Maersk Patras သင်္ဘောမှ ဒုတိယ အရာရှိဖြစ်သူ Ravindu Telge သည် သင်္ဘောမှာ ကနေဒါနိုင်ငံ၊ ကီးဘက်မြို့ရှိ စိန့်လော့ရင့်စ် ပင်လယ်ရေကြောင်း၌ ကုန်စည်သေတ္တာများကို မြဲနေအောင်ချည်နှောင်နေစဥ် သင်္ဘောပေါ်မှ ပြုတ်ကျသွားခဲ့သည့် တစ်နှစ်ပြည့် နှစ်ပတ်လည်နှင့် ဤအပတ် ကြုံကြိုက်ပါသည်။
သွားနေသည့် သင်္ဘောပေါ်တွင် ကုန်စည်သေတ္တာများကို မြဲနေအောင်ချည်နှောင်ခြင်းနှင့် ဖြေလျှော့ခြင်းသည် ကနေဒါနိုင်ငံ အများပြည်သူ အလုပ်သမားများ၏ သမဂ္ဂနှင့် ITF တို့က ရှုတ်ချကန့်ကွက်ခဲ့သည့် အလွန့်အလွန် အန္တရာယ်များသည့် အလုပ်ဖြစ်သည့်အပြင် — လုပ်ရန်ခွင့်ပြုခြင်းကို ဆန့်ကျင်ကြောင်း မွန်ထရီရယ်လ် ဆိပ်ကမ်းနှင့် သယ်ယူပို့ဆောင်ရေး ကနေဒါ (Port of Montreal and Transport Canada) တို့အား အကြိမ်ကြိမ် သတိပေးခဲ့ပြီးဖြစ်ပါသည်။
သူ သေဆုံးခဲ့သည့်နေ့၌ Brother Telge သည် သူ၏ ပုံမှန် ညသန်းခေါင်းယံမှ-နံနက်-04:00 နာရီ စောင့်ကြည့်တာဝန်ကို ထမ်းဆောင်ခဲ့သည်။ အဆိုပါ နံနက်၌ သူ့အား ကုန်းပတ်ပေါ်တွင် အလုပ်ကြမ်း အဆိုင်းအလုပ်ကို လုပ်ရန် ခိုင်းခဲ့သည်။ မွန်ထရီရယ်လ် ဆိပ်ကမ်းသို့ ဆိုက်ကပ်မည့် ကုန်စည်သေတ္တာတင် သင်္ဘောများကို သင်္ဘော ဆိပ်ကမ်းသို့ ရောက်မလာမီ ဆိပ်ကမ်းအချိန်နှင့် ငွေကြေးကို သက်သာစေရန် အားလုံးသော ကုန်စည်သေတ္တာများကို ချည်နှောင်ထားခြင်းမှ ဖြေလျှော့ပေးရန်နှင့် အသေပိတ်သော့စနစ်များကို ဖြေလျှော့ပေးရန် ကုန်တင်ဆိပ်ကမ်း လုပ်ကိုင်သူများက လုပ်ကိုင်ပေးရသည်။ ဆိုလိုသည်မှာ သင်္ဘောအား ထိန်းသိမ်းရန် နှင့် မောင်းနှင်ပေးရန် အမှန်စင်စစ်အလုပ်ကို လုပ်ပေးရသည့် သင်္ဘောသားများအား မိမိတို့၏ ကိုယ်ပိုင် အလုပ်ကို ထပ်ဆင့်ပြီး ဆိပ်ကမ်းအလုပ်သမားများ၏ အလုပ်ကို အတင်းအကျပ် ပိုခိုင်းခဲ့သည်။ Brother Telge သည် ဤအလုပ်တာဝန်ကို ပြီးအောင်လုပ်ခဲ့ရပြီးနောက် နေ့လယ်ပိုင်း၌ ရေကြောင်း စောင့်ကြပ်ကြည့်ရှုရမည့် အလုပ်တာဝန်ကို ပြန်လုပ်ခဲ့ရလိမ့်မည်ဖြစ်သည်။ ထိုသို့လုပ်ရမည့်အစား နံနက် 09:00 နာရီခန့်တွင်၊ Brother Telge သည် လေး-မီတာ ရှည်လျားသည့် ချည်နှောင်ရာသုံးသည့် ဘားတန်းကို ကိုင်လျက် လက်ရန်းပေါ်ကျော်၍ ပြုတ်ကျပြီး သေဆုံးခဲ့သည်။
ITF သည် သယ်ယူပို့ဆောင်ရေး ကနေဒါ (Transport Canada) ၏ ကနဦး တွေ့ရှိချက်များ၏ မိတ္တူတစ်စောင်ကို စောင့်ဆိုင်းလျက်ရှိသည်။ ရှက်စရာကောင်းသည်မှာ ပင်လယ်ရေကြောင်းဆိုင်ရာ မတော်တဆဖြစ်ရပ်များကို စုံစမ်းစစ်ဆေးရန် နိုင်ငံလုံးဆိုင်ရာ အာဏာပိုင်ဖြစ်သည့် ကနေဒါနိုင်ငံ သယ်ယူပို့ဆောင်ရေး ဘေးကင်းမှု ဘုတ်အဖွဲ့ (Canada’s Transportation Safety Board) သည် မိမိ၏ လုပ်ပိုင်ခွင့်ကို သုံးစွဲရန် ငြင်းဆိုခဲ့သည်။ ထိုသို့လုပ်မည့်အစား အဆိုပါ ဘုတ်အဖွဲ့သည် မိမိ၏ တာဝန်ကို သင်္ဘော မှတ်ပုံတင်ထားရာနေရာဖြစ်သည့် အလံအငှါးတင် စင်ကာပူနိုင်ငံ အပေါ် ပုံချခဲ့သည်။
ကုသိုလ်ကံ အလှည့်အပြောင်းတစ်ခုအနေဖြင့် Brother Telge သေဆုံးမှု တစ်နှစ်မြောက် အချိန်ကာလ သမယတွင် Maersk Patras သင်္ဘောသည် မွန်ထရီရယ်လ် ဆိပ်ကမ်းသို့ ဆိုက်ရောက်လာခဲ့သည်။ ယနေ့တွင် ITF စိစစ်ရေးမှူးဖြစ်သူ Vince Giannopoulos လိုက်ပါလာသည့် CUPE Local 375 မှ ဆိပ်ကမ်းအလုပ်သမားများသည် မိမိတို့၏ ညီအစ်ကို ပျောက်ဆုံးမှုအတွက် ဂုဏ်ပြုရန်နှင့် သင်္ဘောဝန်ထမ်းများအား လက်ဆောင်ပစ္စည်းများ ပေးကမ်းရန် မာလိန်မှုးအား အကြောင်းကြားရန်အတွက် သင်္ဘောပေါ်သို့ တက်ရောက်ခဲ့ကြသည်။ မာလိန်မှုးနှင့် သင်္ဘောဝန်ထမ်းများသည် ဆိပ်ကမ်းပေါ်တွင် အကျဥ်းခြုံး လွမ်းဆွတ်အခမ်းအနား အတွက် ဆိပ်ကမ်းအလုပ်သမားများနှင့်ပူးပေါင်းရန် သဘောတူညီခဲ့ကြသည်။
CUPE 375 ၏ ဒု-ဥက္ကဌဖြစ်သူ Sylvain Charron က ပြောကြားခဲ့သည်မှာ သူ့အဖွဲ့ဝင်များ၏ ဆင်ခြင်တုံတရားတွင် Telge ၏ မိသားစု တည်မြဲနေမည်ဖြစ်ကြောင်းဖြစ်ပါသည်။
“ဤကိစ္စမှာ အမြဲအားဖြင့် သင်္ဘောသားတွေရဲ့ အကြောင်းဘဲဖြစ်ပါတယ်။ သူတို့အတွေမှာ ပင်ပန်းလောက်အောင် လုံလောက်တဲ့ အလုပ် ရှိနှင့်နေပြီးဖြစ်ပါတယ်။ ဆောင်းတွင်းကာလမှာ ရာသီဥတုဟာ -30 Celsius ဖြစ်နိုင်တယ်။ ကုန်တင်သေတ္တာ မြဲအောင်ချည်နှောင်ခြင်းဟာ အန္တရာယ်ကြီးတဲ့ အလုပ်ဖြစ်ပါတယ်။ ခက်ခဲတဲ့အလုပ်ဖြစ်တယ်ဆိုတာ ကျနော်တို့ သိပါတယ်။ Brother Telge အနေနဲ့ သူ မလုပ်သင့်တဲ့ အလုပ်ကို လုပ်ဖို့ သူ့အသက်ကို စွန့်သွားသင့်တယ်ဆိုတာဟာ တရားမျှတတယ်လို့ ကျနော်တို့ မထင်ပါဘူး။ ကျနော်တို့အနေနဲ့ သူ့မိသားစုထံ လေးစားမှုကိုပြသလိုပြီး သူတို့အနေနဲ့ ငြိမ်းချမ်းဖြေသိမ့်မှုကို ရှာတွေ့နိုင်ပါစေလို့ မျှော်လင့်ပါတယ်။
Brother Telge သည် သူ သေဆုံးချိန်၌ အသက် ၃၁ နှစ် ရှိခဲ့ပါတယ်၊ လွန်ခဲ့တဲ့ နှစ်ရက် မေလ ၁၇ ရက်နေ့က အသက် ၃၂ နှစ် ရှိခဲ့ပါလိမ့်မည်။ သူ့အနေနဲ့ ဘယ်တော့မျှ ယခု အသက် ၃၂ နှစ် ရောက်မှာ မဟုတ်တော့ပါဘူး။ သိရိလင်္ကာနိုင်ငံရှိ သူ့မိသားစုအိမ်၌ ပူဆွေးမှုကိုသာ ကျနော်တို့ စဥ်းစားနိုင်တော့တယ်။”
Sylvain Charron က ဖြည့်စွက်ပြောဆိုခဲ့သည်မှာ- “CUPE 375 အနေနဲ့ သူ့ရဲ့ဆုံးရှုံးမှုကို မေ့လိမ့်မည် မဟုတ်ကြောင်း သူ့မိသားစု သိလိမ့်မည်ဟု ကျနော် မျှော်လင့်ပါတယ် — ပြီးတော့ ကျနော်တို့ရဲ့ ဆိပ်ကမ်းကို လာရောက်တဲ့ သင်္ဘောတွေပေါ်မှာရှိတဲ့ သင်္ဘောသားတွေရဲ့ လုံခြုံရေးအတွက် ကျနော်တို့ ဆက်လက် တိုက်ပွဲဝင်သွားပါမယ်။”
ITF ကနေဒါနိုင်ငံ ညှိနှိုင်းရေး အရာရှိဖြစ်သူ Peter Lahay က ပြောကြားခဲ့သည်မှာ “ကျနော်တို့ရဲ့ အိမ်စာအလုပ်ကို ကျနော်တို့ လုပ်ပြီးသွားပါပြီး။ ကုန်စည်သေတ္တာ မြဲနေအောင် ချည်နှောင်ဖို့ သင်္ဘောသားတွေအပေါ် ဖိအားပေးတာဟာ လုပ်ငန်းကဏ္ဍတွေအတွက် အသပြာငွေ ဒေါ်လာ အနည်းငယ် သက်သာစေဖို့လုပ်တယ်ဆိုတာ ကျနော်တို့ သိပါတယ်။
“ကျနော်တို့ ဒီကိစ္စကို မွန်ထရီရယ်လ် ဆိပ်ကမ်းနှင့် သယ်ယူပို့ဆောင်ရေး ကနေဒါ (Port of Montreal and to Transport Canada) တို့ထံ တင်ပြခဲ့ပါတယ်။ သင်္ဘောသားတွေ ဒီ အန္တရာယ်များတဲ့ အလုပ်ကို လုပ်နေတဲ့ကိစ္စကို သူတို့ အလေးမထား ဂရုမစိုက်ကြပါဘူး — အမှန်စင်စစ်၊ သူတို့တတွေဟာ ဒီလို ရက်စက်ပြီး အန္တရာယ်များတဲ့ လုပ်ကိုင်ပုံကို ဆက်လက်ရှင်သန်နေဖို့ အတူလုပ်နေတာဘဲ ဖြစ်ပါတယ်။ Brother Telge ဟာ သူ့အသက်ကို မလိုအပ်ဘဲ ပေးဆပ်သွားခဲ့တဲ့ ငယ်ရွယ်သူ သင်္ဘောသား တစ်ဦးဖြစ်ခဲ့ပါတယ်။ သူ့မှာ ရွေးချယ်စရာ မရှိခဲ့ပါဘူး။ သင်္ဘောတွေပေါ်မှာ အဲ့ဒီလိုအတိုင်းပါဘဲ- သင် အလုပ်ကို လုပ်ချင်လုပ် ဒါမှမဟုတ် အိမ်ပြန်ဖို့ သင့်ကို ဖိတ်ခေါ်မှာဘဲ။
“သင်္ဘောသားတွေဟာ အကြီးအကျယ် ခေါင်းပုံဖြတ်ခံနေရပြီး ကုန်စည်သေတ္တာ မြဲနေအောင် ချည်နှောင်ရမဲ့ အလုပ်လို အန္တရာယ်များတဲ့ အလုပ်တွေလုပ်ဖို့ ခိုင်းလေ့ရှိပါတယ်။ အဲ့ဒါကို အခွင့်ကောင်းယူ အမြတ်ထုတ်တဲ့လုပ်ငန်းရှင်လောက် ဘယ်အရာကမျှ ပိုရက်စက်တာ မရှိပါဘူး။ ဒီလုပ်ကိုင်ပုံကို ရပ်ဆိုင်းရမယ်။”
သေဆုံးသူကို သတိရနေပြီး အသက်ရှင်နေသည့်သူများအတွက် အစွမ်းကုန် တိုက်ပွဲဝင်ရမည်။
မွတ္ခ်က္အသစ္မ်ားတင္ျခင္း